This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Search This Blog n

22 September 2021

திருச்சியில் இலங்கையை சேர்ந்த 29 அகதிகள் தற்கொலை முயற்சி!

திருச்சி மத்திய சிறை வளாகத்தில் உள்ள அகதிகள் சிறப்பு முகாமில், தாம் தொடர்ச்சியாக தடுத்து வைக்கப்பட்டுள்ளமைக்கு எதிர்ப்பு தெரிவித்து இலங்கை அகதிகளில் குறைந்தது 29 பேர் கடந்த மாதம் தற்கொலைக்கு முயற்சி செய்துள்ளதாக தெரிவிக்கப்படுகின்றது
இதன்படி, ஆகஸ்ட் 18ம் திகதி திருச்சி மத்திய சிறையில் உள்ள 17 கைதிகள் பல முறைகளைப் பயன்படுத்தி தங்கள் உயிரை மாய்த்துக் கொள்ள முயற்சி செய்துள்ளதாக ALJAZEERA செய்தி 
வெளியிட்டுள்ளது.
இரண்டு நாட்களுக்குப் பின்னர் மேலும் 12 கைதிகள் தற்கொலைக்கு முயற்சி செய்துள்ளதாகவும், எனினும் இந்த இரண்டு சம்பவங்களிலும் யாரும் உயிரிழக்கவில்லை என அந்த செய்தியில் 
கூறப்பட்டுள்ளது.
சிறையில் உள்ள முள்வேலிக்கு பின்னால் சுமார் 80 இலங்கைத் தமிழர்கள் பல வாரங்களாக தொடர் போராட்டத்தை நடத்தி வருகின்றனர். இலங்கையில் இடம்பெற்ற உள்நாட்டு யுத்தம் காரணமாக 1980க்கு பின்னரான காலப்பகுதியில் இலங்கை தமிழர்கள் இந்தியாவிற்கு அகதிகளாக 
சென்றனர்.
இந்நிலையில், கடவுச்சீட்டு மற்றும் விசா இல்லாத அகதிகள் தமிழகத்தில் உள்ள 100க்கும் மேற்பட்ட முகாம்களில் தங்க வைக்கப்பட்டனர். இவ்வாறு வந்த அகதிகளில் விடுதலைப் புலிகள் அமைப்பின் முன்னாள் 
உறுப்பினர்களும் இருந்தனர்.
முன்னாள் புலி உறுப்பினர்கள் சிறப்பு முகாம்களில் தங்க வைக்கப்பட்டனர், அவற்றில் இரண்டு மூடப்பட்டுள்ளன. தடுத்து வைக்கப்பட்டிருந்த முன்னாள் போராளிகளுக்காக திருச்சி முகாம் மட்டுமே இருந்தது, அவர்கள் மற்ற தமிழ் அகதிகளுடன் இடத்தை பகிர்ந்து கொண்டனர்.
இந்த முகாம்கள் தமிழ்நாடு காவல்துறையின் பயங்கரவாத எதிர்ப்பு பிரிவான கியூ பிரிவின் மேற்பார்வையில் உள்ளது. கைது செய்யப்பட்டவர்கள் இலங்கைக்கு நாடு கடத்தும் அச்சுறுத்தலின் கீழ் வாழ்வதாகவும் நிச்சயமற்ற எதிர்காலத்தை எதிர்கொள்வதாகவும் 
தெரிவித்துள்ளனர்.

நிலாவரை.கொம் செய்திகள் >>>



21 May 2021

வங்காள விரிகுடாவின் கிழக்கு மத்திய பகுதியில் ஏற்பட்டுள்ள தாழமுக்கம்



அந்தமான் கடல் பிராந்தியத்தின் வடக்கு வங்காள விரிகுடாவின் கிழக்கு மத்திய பகுதியில் ஏற்பட்டுள்ள தாழமுக்கம் எதிர்வரும் 72 மணித்தியாலங்களில் சூறாவளியாக மாறும் அபாயம் காணப்படுவதாக வளிமண்டலவியல் திணைக்களம் 
அறிவித்துள்ளது.
இதனால் இன்று (21) தொடக்கம் மறுஅறிவித்தல் வரை இந்தக் கடற் பிரதேசத்தில் கடற்றொழில் நடவடிக்கைகளில் அல்லது கடல் நடவடிக்கைகளில் ஈடுபட வேண்டாம் என்று திணைக்களம் கோரிக்கை விடுத்துள்ளது.
இந்த பிரதேசத்தில் மீன்பிடிக்கச் சென்றுள்ள மீனவர்கள் மற்றும் கடல் நடவடிக்கையில் ஈடுபட்டுள்வோர் பாதுகாப்பான இடங்களை நோக்கி செல்லுமாறு திணைக்களம் 
தெரிவித்துள்ளது.

நிலாவரை.கொம் செய்திகள் >>>



27 March 2021

ஒரு திறந்த மடல் சீமானுக்கு - கலாநிதி சேரமான்

முப்பாட்டன் முருகனின் வழித்தோன்றலே. 
ஜேக்கப்பின் பேரனே. 
செபஸ்தியன் ஈன்றெடுத்த சைமனே.
சட்டமன்றத் தேர்தலில் களமாடி வென்று, தமிழகத்தின் அடுத்த முதலமைச்சராக மும்முடி சூடுவதற்கான ஆயத்தங்களில் மும்முரமாக நீங்கள் ஈடுபட்டிருக்கும் சூழலில் உங்களுக்கு மடல் எழுதி சிரமம் கொடுக்க வேண்டாம் என்றுதான் நினைத்திருந்தோம்.
தொப்பை வண்டியோடும், வேட்டைக்குப் பயன்படுத்தும் கட்டுத்துப்பாக்கிகளுடனும் காவலுக்கு நிற்கும் தமிழக காவல்துறையினரை ஆட்சிக்கு வந்ததும் மீன்பிடிப்படகுகளில் அனுப்பி சிங்களப் படைகள் மீது போர் தொடுத்துக் கச்சதீவை மீட்க வேண்டும்.
சிங்களக் கடற்படையால் நடுக்கடலில் தாக்கப்படும் தமிழக மீனவர்களைக் காப்பதற்கு உங்கள் கொப்பாட்டனார் இராசராச சோழன் வழியில் கப்பற் படை அமைக்க வேண்டும்.
காவிரி ஆற்று நீரைத் தடுக்கும் கர்நாடகாவுக்குள் உங்கள் ஓட்டனார் இராசேந்திர சோழன் வழியில் பாய்மரக் கப்பல்கள் சகிதம் நுழைந்து ரெட்டிமார்மீது போர் தொடுத்து காவிரி ஆற்று நீரை தமிழகத்திற்குள்
 பாய்ச்ச வேண்டும்.
கண்ணகியை நிந்தித்த வடநாட்டு மன்னர்களான கனக, விசயர்கள் மீது படையெடுத்து, அவர்களின் தலையில் கங்கை நீரையும், கல்லையும் தமிழகம் வரை சுமக்க வைத்து பத்தினித் தெய்வத்திற்கு சிலையமைத்துக் குடமுழுக்குச் செய்த சேரமான் செங்குட்டுவன் வழியில் கேரளநாடு மீது போர் தொடுத்து முல்லைப் பெரியாற்றைத் திறந்து விட வேண்டும்.
தமிழகம் எங்கும் பதுக்கி வைக்கப்படிருக்கும் கறுப்புப் பணத்தை
 மீட்டெடுக்க வேண்டும்.
இலஞ்சம் பெறும் அரசாங்க அதிகாரிகளை இந்தியன் படத்தில் கமலகாசன் போட்டுத் தள்ளியது போல் என்கௌண்டர் செய்து இலஞ்சத்தை ஒழிக்க வேண்டும்.அப்பப்பா!
இப்படி எத்தனையோ பணிகளை முதலமைச்சராக முடிசூடியதும் செய்வதற்கான ஆயத்தங்களில் ஈடுபட்டிருக்கும் உங்களால் இந்த மடலைப் படிப்பதற்கு நேரத்தை ஒதுக்குவதே
 கடினம் தான். 
அதை விட தமிழக முதலமைச்சராகியதும் தமிழீழத்தை மீட்பதற்கு என்று இளைஞர் படை ஒன்றைத் திரட்டி அவர்களுக்கு ஆயுதப் பயிற்சி கொடுத்துத் தமிழீழத்தை மீட்டெடுத்துத் தரப் போவதாகப் பத்து ஆண்டுகளுக்கு முன் ஜெனீவாவில் வைத்து எங்களிடம் நீங்கள் கூறிய அம்புலிமாமா கதையையும் நாங்கள் மறக்கவில்லை.
எங்களை விடுவோம்.
சீமான் தமிழக முதலமைச்சராகி விட்டால், அடுத்தது டில்லி ஆட்டம் காணும், இந்திய வெளியுறவுக் கொள்கையில் பெரும் திருப்பம் ஏற்படும், சீனாவின் கொல்லைப்புறமாக மாறி வரும் இலங்கைத் தீவில் தமிழீழம் என்றொரு நாடமைத்து அதை இந்தியாவின் அரணாக 
சீமான் மாற்றுவார் 
என்றெல்லாம் நீங்கள் விடும் கதைகளை நம்பி உங்களுக்குக் கோடிக்கணக்கில் கொட்டிக் கொடுக்கும் ஏமாந்த சோணகிரிகளாக வெளிநாடுகளில் ஈழத்தமிழர்கள் சிலர் இருக்கும் போது, நீங்கள் எப்படி அம்புலிமாமா கதைகளைக் கூறாமல் வாளாவிருக்க முடியும்?
இட்லிக்குள் ஆமைக்கறியை எப்படி ஒளித்து வைத்து சாப்பிடுவது என்று பொட்டு அம்மானின் அடுக்களையில் பயிற்சி எடுத்தவர் நீங்கள்.
யாருமே நெருங்க முடியாத எங்கள் சூரியத்தேவனின் மணிக்கட்டில் சலிக்கும் வரை உங்கள் விரலால் தட்டிப் பார்த்து ஏ.கே-74– ஏ.கே-47 அல்ல – சுட்டுப் பழகியவர் நீங்கள்.
நீங்கள் வன்னிக்குச் சென்றது எல்லாளன் படம் எடுக்க உதவி புரிவதற்காக என்பதையும், அங்கு நீங்கள் நின்ற நாட்களில் பெருமளவானவற்றை ஒளிப்படக் கருவிகளோடு நீங்கள் கழித்ததையும் அறியாத எம்மவர்களில் பலர், நீங்கள் ஏதோ மாதக்கணக்கில் எங்கள் தேசியத் தலைவரோடு சர்வதேச அரசியல் பேசிக் கொண்டிருந்ததாக நினைப்பதில் தவறில்லை தானே?
ஆனாலும் ஒரு நெருடல்.
தமிழக முதலமைச்சராக வேண்டுமென்று நீங்கள் துடிப்பதும், அதற்காகக் கதையளப்பதும் இந்திய அரசியலில்
 சகஜமானவை தான்.
ஆனால் அதற்காக எங்கள் தலைவன் பிரபாகரனின் வாரிசாக, அவர் ஏந்திய விடுதலைத் தீவட்டியை இப்பொழுது நீங்கள் ஏந்திச் செல்வதாக பிம்பம் எழுப்ப முற்படுவதில் என்ன நியாயம் உண்டு?
ராஜபக்சேயின் மைத்துனருடன் வணிகக் கூட்டணி வைத்திருந்த லைகாவின் கத்தி படத்தை வெளியிடுவதற்குத் தமிழகத்தில் எழுந்த தடைகளைத் தகர்த்தெறிவதற்கு என்று லைகாவிடம் பெட்டியும், புட்டியும் வாங்கிய நீங்கள், எங்கள் சூரியத்தேவனின் வாரிசாக உங்களை முன்னிறுத்துவது அந்தப் பெருந்தலைவனைக் கொச்சைப்படுத்தும் செய்கையாக உங்களுக்குத் தோன்றவில்லையா?
ஈழப்போரின் இறுதிக் கணங்களில் உங்கள் தம்பி சந்தோசுடன் பேசிய தளபதி சூசை, ‘சீமானிடம் முன்னெடுக்கச் சொல்லுங்கோ. வைகோவையும் முன்னெடுக்கச் சொல்லுங்கோ’ என்று கூறியது எமது விடுதலைப் போராட்டத்திற்கான ஆதரவுத் தளத்தைத் தமிழ்நாட்டில் பலப்படுத்துமாறு விடுக்கப்பட்ட ஆணை என்பதை மறந்து தமிழ்நாடு முழுவதும் எமக்கு எதிரிகளை நீங்கள் தேடிக் கொண்டிருப்பதன் 
நோக்கம் தான் என்ன?
முதலில் அண்ணன் வைகோ ஒரு தமிழன் இல்லை என்று வசைபாடினீர்கள். 
பின்னர் தமிழ்நாட்டின் மாபெரும் புரட்சியாளனாகிய தந்தை பெரியாரைக் கன்னடன் என்று இனவாதம் பேசித் திராவிட ஆதரவாளர்களை அந்நியப்படுத்தினீர்கள்.
மூழ்கும் கப்பலில் இருந்து ஓடித்தப்ப முற்படும் எலிகள் போன்று உங்கள் கட்சியை விட்டு உங்கள் தம்பிகளான இராசீவ் காந்தியும், கல்யாணசுந்தரமும், துரைமுருகனும் தலைதெறிக்க ஓடிய கதைகளை விடுவோம்.
முப்பாட்டன் முருகனின் பேரனே,
எங்களுக்கு திராவிட முன்னேற்றக் கழகமும் தேவை, அண்ணா திராவிட முன்னேற்றக் கழகமும் தேவை, பாரதிய ஜனதா கட்சியும் தேவை, காங்கிரஸ் கட்சியும் தேவை, கம்யூனிஸ்ட் கட்சிகளும் தேவை.
எங்களுக்கு நீங்களும் தேவை, அண்ணன் வைகோவும் தேவை, கொளத்தூர் மணி அண்ணனும் தேவை, பழ.நெடுமாறன் ஐயாவும் தேவை.
எங்களுக்கு உதவிக் கரம் நீட்ட ஸ்டாலின் வந்தாலும் அவர் கையை இறுகப் பற்றுவோம்.
எடப்பாடி கை தந்தாலும் எட்டிப் பிடிப்போம்.
மோடி வந்து அணைத்தாலும் புளகாங்கிதம் கொள்வோம்.
ஏன் நாளை ராகுல் காந்தி வந்து தனிநாடு பற்றிக் கதைத்தாலும் அவரோடும் பேசுவோம். 
ஏனென்றால் நாங்கள் நாதியற்றவர்கள்.
நாடற்றவர்கள்.
உலகெங்கும் அலைந்துழலும் ஏதிலிகள்.
நாங்கள் போராடுவது எங்களின் தேச விடுதலைக்காக.
தமிழக சட்டமன்றத் தேர்தல் நடைபெறுவதோ தாய்த் தமிழக உறவுகளின் அன்றாடப் பிரச்சினைகளைத் தீர்ப்பதற்காக.
இரண்டையும் நீங்கள் போட்டுக் குழப்புவதில் என்ன தான் நியாயம் உண்டு?
நீங்கள் யாரிடமிருந்தாவது பெட்டிகளையும், புட்டிகளையும் பெறுங்கள்.
முடிந்தால் எங்களுக்காகக் குரல் கொடுங்கள்.
முடியவில்லை என்றால் எங்களை விட்டு விடுங்கள்.
சத்தியத்தின் சாட்சியாக நின்று மாவீரர்களின் தியாக வரலாறு எங்களை வழிகாட்டும்.
நீங்கள் எங்களுக்கு உதவினாலும், உதவா விட்டாலும் எங்கள் தலைவனின் அந்த சத்திய வழியில் நின்று என்றோ ஒரு நாள் சுதந்திரத் தமிழீழத்தை நாங்கள் அடைந்தே தீருவோம்.
தமிழ்நாட்டிலும் சரி, அகில இந்திய தேசத்திலும் சரி எங்களுக்கு எதிரிகள் தேவையில்லை.  
இது தான் எங்களுக்கு எங்கள் சத்தியத் தலைவன் காட்டிய வழி.

நிலாவரை.கொம் செய்திகள் >>>

23 January 2021

தனியார் விடுதி உரிமையாளர் காட்டு யானை மீது தீ வைத்தார்

காட்டு யானை மீது தீ வைத்த தனியார் விடுதி உரிமையாளர்– பாய்கிறது குண்டர் சட்டம் மனிதன்‌ மட்டுமே சமூகமாக வாழக்கூடியவன். உணர்ச்சிகளை அனைத்து மிருகங்களும் வெளிப்படுத்தும், ஆனால் பிறரது உணர்ச்சிகளையும் உணர்வுகளையும் புரிந்து கொள்ளக் கூடியவர்கள் மனிதர்கள் தான் என்கிறது சமூக அறிவியல். 
அதனால் தான் மனிதர்களை மட்டுமே சமூகம் என்கிறோம். சிங்க சமூகம், புலிச் சமூகம், மாட்டுச் சமூகம் என்று நாம் குறிப்பிடுவதில்லை. மனிதனை மட்டுமே மனித சமூகம் ‌என்று குறிப்பிடுகிறோம்.
ஆனால் பல‌‌ நேரங்களில் அக்கம்பக்கத்திலும், செய்தியிலும் கேட்கும் சில சம்பவங்கள் மனிதன் குறித்த சமூக அறிவியலின் கோட்பாடுகளை பொய்யாக்கி, அறிவியலை மெய்யாக்குகின்றது. எப்படியாயினும் விலங்கியல் மனிதனை விலங்காகத் தான் 
வகைப்படுத்துகிறது.
உதகையின் மசினகுடியில் சமீபத்தில் நடந்த நெஞ்சை பிளக்க வைத்த ஒரு சம்பவம், மனிதம் குறித்தும் விலங்குகள் குறித்தும், மறுமதிப்பீடுக்கு வகை செய்யும் போல், 40 வயது மதிக்கத்தக்க ஒரு கொம்பன்‌ யானை பல வருடங்களாக அங்கிருக்கும் யாருக்கும், எந்தவித தொந்தரவும் இல்லாமல் ஊருக்குள் சுற்றி வந்திருக்கிறது.
அந்த யானை கடந்த சில நாட்களுக்கு முன்னர் தோள்பட்டையில் எலும்புகள் முறிந்த நிலையில் சுற்றித் திரிந்தது. இதனையடுத்து வனத்துறையினர் மருத்துவம் அளித்து வந்த சூழலில், இரண்டு
 நாட்களுக்கு முன்னர் கடுமையான தீக்காயங்களுடனும், அமிலத்தினால் ஏற்பட்ட அதீத காயங்களாலும் ஒரு பக்க காது கிழிந்து தொங்கிய நிலையில், இரத்தம் சொட்டச் சொட்ட ஊருக்குள் 
சுற்றி வந்தது.
அதற்கு மயக்க ஊசி செலுத்தப்பட்டு மருத்துவம் அளித்தும் பயனளிக்காத நிலையில், வனத்துறையினரால் மீண்டும் மயக்க ஊசி செலுத்தப்பட்டு சிகிச்சைக்காக யானைகள் முகாமுக்கு கொண்டு
 செல்லப்பட்டது.
ஆனால் எதிர்பாராதவிதமாக யானையை கொண்டு செல்லும் வழியிலேயே உயிரை விட்டது. அதை நிச்சயம் பிழைக்க வைக்க முடியும் என்ற நம்பிக்கையில், பல நாட்களாக அதற்கு சிகிச்சை அளித்த வனத்துறை ஊழியர்கள் கதறி அழுத காட்சி நெஞ்சை 
பதற வைத்தது.
பரிசோதனையில் அந்த யானையின் காதில் ஏற்பட்ட காயத்தில் அதிகமாக இரத்த இழப்பு ஏற்பட்டு இரத்தத்தை இழந்ததால் தான் உயிரிழக்க நேர்ந்தது எனத் மருத்துவர்கள் கூறினர்.
இந்நிலையில் யானை மீது வாகன எரிபொருளை நனைந்த தீப்பந்தத்தை எரிந்தவர்கள் தனியார் விடுதியில் பணியாற்றும் ஊழியர்கள் என தெரியவந்தது.  
இதனையடுத்து மசினகுடியில் யானை மீது எரியும் டயரை வீசிய மூன்று பேர் மீது குண்டர் சட்டத்தில் நடவடிக்கை எடுக்க மாவட்ட ஆட்சியருக்கு பரிந்துரை செய்துள்ளதாக முதுமலை புலிகள் காப்பக கள இயக்குனர் கே.கே.கவுசல் தெரிவித்துள்ளார்.
மேலும் நீலகிரி மாவட்ட ஆட்சியர் திவ்யா உத்தரவின் பேரில், காட்டுயானைக்கு தீ வைக்கப்பட்ட சம்பவம் நடந்த தனியார் விடுதிக்கு கூடலூர் வனத்துறையினர் சீல் வைத்தனர்.
இதையடுத்து புலிகள் காப்பக துணை இயக்குனர் ஸ்ரீகாந்த், வனச்சரகர்கள் காந்தன், மாரியப்பன் உள்ளிட்ட வனத்துறையின் தனிப்படையினர் தனியார் விடுதி உரிமையாளர்கள் மற்றும் பணியாளர்களை கைது செய்து விசாரணை நடத்தி வருகிறார்கள்.
பல வருடங்களாக யாருக்கும் தீங்கிழைக்காமல் சுற்றி வந்த யானையின் சகிப்புத்தன்மையையும், அதன் இருப்பை சகிக்க முடியாமல், அதன் மீது திராவகமும், நெருப்புப் பந்தத்தையும் வீசிய மனிதர்களையும் ஒப்பிடுகையில், மனிதன் என்ற வரையறைக்குள்ளே மனிதன் வருகிறானா என்ற 
சந்தேகம் வருகிறது.
இருப்பினும் அந்த வனத்துறை ஊழியர்களின் செயல், மனிதம் இன்னும் மனிதருள் அழியவில்லை என்ற 
ஆறுதலை தருகிறது!

இங்குஅழுத்தவும் நிலாவரை.கொம் செய்திகள் >>>



22 January 2021

ஓசூரில் தனியார் அடகு நிறுவனத்தில் துப்பாக்கிமுனையில் ரூ7 கோடி நகைகள் கொள்ளை

கிருஷ்ணகிரி மாவட்டம் ஓசூரில் முத்தூட் என்ற தனியார் நிதி நிறுவனத்தில் வாடிக்கையாளர்கள் அடமானம் வைத்திருந்த ரூ7 கோடி மதிப்பிலான தங்க நகைகள் கொள்ளையடிக்கப்பட்டன. இதுகுறித்து விசாரணை மேற்கொள்ள பத்து தனிப்படைகள் அமைத்துள்ளது காவல்துறை.
ஓசூரில் உள்ள முத்தூட் என்ற தனியார் நகை அடகு வைக்கும் அலுவலகத்தில் ரூ. 7 கோடி மதிப்பிலான தங்க நகைகள் கொள்ளையடிக்கப்பட்டன.
கிருஷ்ணகிரி மாவட்டம் ஓசூரில் பாகலூர் சாலையில் அமைந்துள்ள முத்தூட் தனியார் நகை அடகு வைக்கும் நிறுவனம், எப்பொழுதும்போல் அலுவலகத்திற்கு வரும் ஊழியர்கள் காலை வழக்கம்போல் 
வந்திருக்கின்றனர்.
அப்போது பின்பக்கத்திலிருந்து வந்த மர்ம நபர்கள் 6 பேர் கொண்ட கும்பல், அலுவலகத்தின் மேலாளர் உட்பட 6 ஊழியர்களை கட்டிப்போட்டு, துப்பாக்கியைக் காட்டி மிரட்டி, பாதுகாப்புப் பெட்டகத்தின் சாவியை வாங்கி, அதில் வைக்கப்பட்டிருந்த 25,091 கிராம் தங்க நகைகளையும், 96 ஆயிரம் ரூபாய் பணத்தையும் கொள்ளையடித்து சென்றனர்.
இதுகுறித்து தகவலறிந்து வந்த நகர காவல்துறையினர் அங்கு ஆய்வு மேற்கொண்டு விசாரணை நடத்திவருகின்றனர். மேலும், அருகிலுள்ள 'மறைகாணி' காட்சிகளையும் அவர்கள் ஆய்வு 
செய்து வருகின்றனர்.
பொதுமக்கள் நடமாட்டம் அதிகமுள்ள பகுதியில், பகல்நேரத்தில் பாதுகாப்பு பணியில் இருந்த காவலரை மிரட்டிய கும்பல் துப்பாக்கி முனையில் சாவியைப் பெற்று கொள்ளையடித்து சென்றுள்ள சம்பவம் அந்த பகுதியில் பரபரப்பை ஏற்படுத்தியுள்ளது.
மேலும் தங்க நகைகளை அடகு வைத்திருந்த வாடிக்கையாளர் ஒருவர் கூறுகையில், கொரோனா காலத்தில் எங்களுக்கு  வேலை இல்லாததால் தான், குடும்பத்தை நடத்த வேறு வழியின்றி தங்கத்தை அடகு வைத்தோம். இன்று அந்த நகை கொள்ளையடிக்கப்பட்டது என்று 
கேள்விப்பட்டவுடன், இனி அந்த நகைகள் மீட்கவே முடியாதா என கண்ணீர்மல்க கூறியுள்ளார். 
பின்பு காவல்துறையினர் அவர்களை சமாதானப்படுத்தி கண்டிப்பாக உங்களுடைய நகைகளை மீட்டு கொடுப்போம் என்று உறுதியளித்தனர். மேலும் விசாரணையை தீவிரப்படுத்திய காவல்துறை, கொள்ளையர்களைப் பிடிக்க 10 தனிப்படை அமைத்துளளது.

இங்குஅழுத்தவும் நிலாவரை.கொம் செய்திகள் >>>

17 January 2021

பார ஊர்தி மோதி விபத்துக்குள்ளான யானை சிகிச்சை பலனின்றி உயிரிழப்பு

தமிழகத்தில் நாள்தோறும் உணவு மற்றும் தண்ணீர் தேடி யானைகள் தனது வலசுப் பாதையில் பல கிலோ மீட்டர் தூரம் வனப்பகுதி நடந்து செல்லும் யானைகள் பல்வேறு விபத்துகளில் பலியாகும் சம்பவம் 
தொடர்கதையாகிறது.
குறிப்பாக, யானைகளின் வாழ்விட பரப்பு குறைவது, உணவுப் பற்றாக்குறை, நீர் மாசு, பூச்சிக்கொல்லிகள், சட்டவிரோத மின் வேலிகள், வேட்டை, ரயில் மற்றும் வாகன விபத்துகள், விவசாய பயிர்களை காக்க விவசாயிகள் கையாளும் தவறான உத்திகள் போன்றவற்றால் யானைகள் உயிரிழப்பு 
அதிகரித்து வருகிறது.
கடந்த வாரம் கோவையில் மின் வேலியில் சிக்கி ஒருயானை உயிரிழந்த நிலையில்,17-01-21. இன்று கொள்கலன் பார ஊர்தி மோதி மற்றொரு யானை உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.
கிருஷ்ணகிரி மாவட்டம் பேரண்டப்பள்ளி வனப்பகுதியில் கடந்த சில நாட்களாக ஒற்றை ஆண் யானை சுற்றித் திரிந்து வந்ததாக வனத்துறையினருக்கு 
தகவல் வந்துள்ளனர்.
சுமார் 40 வயது மதிக்கத்தக்க அந்த யானையை உடனடியாக காட்டுக்கள் அனுப்பும் நடவடிக்கையில் வனத்துறையினர் ஈடுபட்டதனால் நேற்று முன்தினம் இரவு 9.45 மணியளவில் பேரண்டப்பள்ளி பகுதியில் தேசிய நெடுஞ்சாலையைக் கடந்து செல்ல முயன்றது.
அப்போது, பெங்களூரு நகரில் இருந்து கிருஷ்ணகிரி நோக்கி அதிகவேகத்தில் வந்துக் கொண்டிருந்த கொள்கலன் பார ஊர்தி யானையின் மீது பலமாக மோதியது. இதில் யானை சம்பவ இடத்திலே யானை படுகாயமடைந்த நிலையில் சாலையில் விழுந்தது.
இதனையடுத்து தகவலறிந்து வந்த வன விலங்குகள் மருத்துவர் பிரகாஷ் தலைமையிலான கால்நடை மருத்துவக் குழுவினர், காயம டைந்த யானைக்கு முதல்கட்ட சிகிச்சை அளித்தனர். பின்னர், மாவட்ட வன அலுவலர் பிரபு ஆலோசனையின் பேரில் வனத்துறையினர் மற்றும் காவல் துறையினர், படுகாயமடைந்த யானையை மீட்டு அய்யூர் காப்புக்காட்டுக்கு சிகிச்சை 
அளிக்க கொண்டு சென்றனர்.
அங்கு யானையை பரிசோதித்த மருத்துவர்கள், “யானையின் பின்பக்க வலது காலில் எலும்பு முறிவு ஏற்பட்டுள்ளது; இதனால், யானையால் எழுந்து நடக்க முடியாமல் சிரமப்பட்டு வருகிறது. கால் எலும்பு முறிவை சரி செய்வதற்கான சிகிச்சை முறைகளை மருத்துவர்கள் மேற்கொண்டுள்ளனர்”
 என்றார்.
இதனிடையே யானை மோதிய கன்டெய்னர் லாரியின் ஓட்டுநரும் படுகாயமடைந்துள்ளதால், அவரை மீட்டு ஓசூர் அரசு மருத்துவமனையில் சேர்த்துள்ளனர்.
இந்நிலையில், சிகிச்சை அளிக்கப்பட்ட ஆண் யானை தற்போது சிகிச்சை பலனின்றி உயிரிழந்ததாக கூறப்படுகிறது. யானை உயிரிழந்த சம்பவம் வன விலங்கு ஆர்வலர்கள் மத்தியில் பெரும் சோகத்தை 
ஏற்படுத்தியுள்ளது.

நிலாவரை.கொம் செய்திகள் >>>

நாளை மறுநாள் தமிழகத்தில்பள்ளிகள் திறப்பு சுகாதாரத்துறை தயார் நிலையில்

தமிழகத்தில் நாளை மறுநாள் 10,12ம் வகுப்பு மாணவர்களுக்கு மட்டும் பள்ளிகள் திறக்கப்பட உள்ளது. தமிழகத்தில் அரசு மற்றும் அரசு நிதியுதவி பெறும் பள்ளிகள், தனியார் பள்ளிகள் என்று மொத்தம் 11 ஆயிரத்து 600 பள்ளிகளில் 10, 12ம் வகுப்பு பயிலும் 18லட்சம் மாணவர்கள் பள்ளிக்கு 
வர உள்ளனர். 
அவர்களுக்கு நோய் எதிர்ப்பு சக்தி அதிகரிக்கும் விதமாக மல்டி வைட்டமின், ஜிங்க் மாத்திரைகளை சுகாதாரத்துறையினர் மூலம் வழங்க நடவடிக்கை எடுக்கப்பட்டுள்ளது. 
இதனை அந்தந்த மாவட்ட முதன்மை கல்வி அலுவலர்கள் கண்காணிக்கவும் அறிவுறுத்தப்பட்டுள்ளது. அதன்படி அனைத்து மாவட்டங்களிலும் பள்ளி முதல்வர்கள், தலைமை ஆசிரியர்கள் நாளை மறுநாள் மாணவர்களுக்கு வழங்க வைட்டமின் மாத்திரைகளை தயார் படுத்தி வைத்துக்கொள்ள அறிவுறுத்தப்பட்டுள்ளதாக, கல்வித்துறை அதிகாரிகள்
 தெரிவித்தனர். 
இதற்காக தமிழகம் முழுவதும் ஒரு கோடியே 92 லட்சத்து 130 வைட்டமின் மாத்திரைகளும், ஒரு கோடியே 92 லட்சத்து 130 ஜிங்க் மாத்திரைகளும் என மொத்தம் 3.84 கோடி மாத்திரைகள் ஒதுக்கீடு
 செய்யப்பட்டுள்ளன.

நிலாவரை.கொம் செய்திகள் >>>