ஆண்கள் புகார்; மனைவி தாக்குவதாக 10% புகார், மனைவிக்கும் பிற ஆண்களுக்கும் தொடர்பு 10%
சென்னையில் இவ்வருடம் மாத்திரம் மனைவிமார்களின் கொடுமைகள், துன்புறுத்தல்கள், தொடர்பாக சுமார் 5000 ஆண்கள் முறைப்பாடு செய்துள்ளதாக ஆண்களை பாதுகாப்பதற்கான அமைப்பு தெரிவித்துள்ளது.
கடந்த செவ்வாய்க்கிழமை சர்வதேச ஆண்கள் தினம் அனுஷ்டிக்கப்பட்ட நிலையில், இத்தகவல் வெளியாகியுள்ளது.
இந்தியாவில் சென்னையிலிருந்துதான் அதிக முறைப்பாடுகள் கிடைத்துள்ளதாக அவ்வமைப்பு தெரிவித்துள் ளது.
சென்னையில் கிடைத்த 400 முறைப்பாடுகளில் விவாகரத்துக்கான கோரி க்கை விடுக்கப்பட்டுள்ளன.
இதேவேளை, மும்பையில் இவ்வருடம் சுமார் 2000 ஆண்கள் தமது மனைவியின் துன்புறுத்தல் தொடர்பாக முறைப்பாடு செய்துள்ளனர்.
ஈகோ மோதல்கள் முதல் பாலி யல் சித்திரவதை வரை பல்வேறு வகையான விடயங்கள் தொடர்பாக இம்முறைப்பாடுகள் உள்ளன.
முறைப்பாடு செய்தவர்களில் 20 சதவீதமானோர், கூட்டுக்குடும்பமாக வாழ்வது குறித்து மனைவிமார் சண்டையை ஆரம்பிப்பதாக கூறியுள்ளனர்.
சென்னையில் முறைப்பாடு செய்த 5000 ஆண்களில் சுமார் 500 பேர் மனைவிமார் தம்மை தாக்கு வதாக முறைப்பாடு செய்துள்ளனர்.
மேலும் 10 சதவீதமான ஆண்கள் தமது மனைவிமார் அனைத்து மகளிர் காவல் நிலையத்தில் தம்மை பற்றி பொய்யான முறைப்பாடுகளை செய்வதாக கூறியுள்ளனர். முறைப்பாடு செய்தவர்களில் 10 ஆண்கள் தன்னிடம் மனைவி பாலியல் திருப்தி காணாமல் திருமணத்துக்குப் புறம்பான பாலியல் உறவுகளில் ஈடுபடுவதாக கூறியுள்ளனர்.
தான் இரவுநேர கடமைக்கு சென்றபின் தனது மனைவியும் தனது சகோதரனும் பாலியல் உற வில் ஈடுபடுவதாகவும் இதனால் மனைவியுடன் தான் வாழவிரும்பவில்லை எனவும் ஒருவர் தெரிவித்துள்ளார்.
இந்தியாவில் 8 நிமிடங்களுக்கு ஒரு தடவை திருமணமான ஆண்கள் திருமண வாழ்க்கை அல்லது பணப்பிரச்சினைகள் கார ணமாக தற்கொலை செய்துகொள்வதாக இந்தியாவின் தேசிய குற்றவியல் பதிவு திணைக்கள புள்ளிவிபரங்கள் தெரிவிக்கின்றன.
சமூக செயற்பாட்டாளரான எஸ்.சயீட் அலி கருத்துத் தெரிவிக்கையில், "இந்திய சமூகத்தில் ஆண்கள் பலவீனத்தை வெளிப்படுத்துவ தற்கோ, முறைப்பாடு செய்வதற் கோ, உதவி கோருவதற்கோ சொற்ப வாய்ப்புகளே கிடைக் கின்றன. எம்மிடம் முறைப்பாடு செய்யவரும் பெரும்பலான ஆண்கள் நீண்டகாலமாக மனை வியினால் துன்புறுத்தல்கள், தொல்லைகளுக்குள்ளானதாக தெரிவித்துள்ளனர்” எனக் கூறியுள்ளார்.
0 கருத்துகள்:
Post a Comment