நடப்பு, 2013-14ம் கல்வியாண்டில், இப்படிப்புகளுக்கான மாணவர் சேர்க்கை கலந்தாய்வு விண்ணப்ப விற்பனை, அனைத்து அரசு மருத்துவக் கல்லூரிகளிலும், நேற்று துவங்கியது. ஜூலை, 4ம் தேதி வரை விண்ணப்பம் தரப்படும். விண்ணப்பம் பெற விரும்புவோர், செயலர், தேர்வுக் குழு, கீழ்ப்பாக்கம், சென்னை- 10 என்ற பெயரில், 350 ரூபாய்க்கு எடுக்கப்பட்ட டி.டி.,யை, கொடுத்து விண்ணப்பம் பெறலாம்.
எஸ்.சி., - எஸ்.டி., - எஸ்.சி.ஏ., பிரிவினர், விண்ணப்ப கடிதத்துடன், சான்றொப்பம் இடப்பட்ட, ஜாதி சான்றிதழின் இரு நகல்களை கொடுத்து, விண்ணப்பத்தை இலவசமாக பெறலாம். பூர்த்தி செய்யப்பட்ட விண்ணப்பத்தை, ஜூலை, 5ம் தேதிக்குள் சமர்ப்பிக்க வேண்டும்.
மொத்தம், 23 ஆயிரம் விண்ணப்பம் அச்சிடப்பட்டு உள்ளன. விண்ணப்பத்துடன் இணைக்க வேண்டிய சான்றிதழ் உள்ளிட்ட விவரங்களை, விண்ணப்பத்துடன் வழங்கப்படும் குறிப்பேட்டில் பெறலாம்.
இவ்வாறு, மருத்துவக் கல்வி இயக்ககம் தெரிவித்து உள்ளது.
விண்ணப்பதாரர்கள், மருத்துவம் சார் பட்டப் படிப்புகளை வழங்கும் கல்லூரிகள் உள்ளிட்ட விவரங்களை, www.tnmgrmu.ac.in என்ற இணையதளத்தில் பெறலாம்.
குழப்பம் : மருத்துவம் சார் பட்டப் படிப்புகளை வழங்கும் கல்லூரிகள் குறித்த விவரத்தை, சென்னை மருத்துவக் கல்லூரி நிர்வாகம், நேற்று வெளியிட்டது. அதில், சென்னை மருத்துவக் கல்லூரி உள்ளிட்ட, நான்கு அரசு மருத்துவக் கல்லூரி, 16 தனியார் கல்லூரி ஆகியவற்றில், பி.எஸ்சி., நர்சிங் படிப்பு வழங்கப்படுகிறது என, தெரிவிக்கப்பட்டு உள்ளது. ஆனால், தமிழ்நாடு டாக்டர் எம்.ஜி.ஆர்., மருத்துவப் பல்கலையின் இணையதளத்தில், மூன்று அரசு மருத்துவக் கல்லூரி மற்றும் 154 தனியார் கல்லூரியில், பி.எஸ்சி., நர்சிங் படிப்பு உள்ளதாக குறிப்பிடப்பட்டு உள்ளது. இதேபோல், பி.பார்ம்., - பி.பி.டி., ஆகிய படிப்புகளை வழங்கும் தனியார் கல்லூரிகளின் எண்ணிக்கை குறித்து, சென்னை மருத்துவக் கல்லூரி வெளியிட்டுள்ள தகவல், பல்கலை இணையதளத்தில் தெரிவிக்கப்பட்டுள்ள விவரங்களில் இருந்து வேறுபடுகிறது
0 கருத்துகள்:
Post a Comment