நடிகர் விஜய், நடிகைகள் நயன்தாரா மற்றும் சமந்தா ஆகியோரின் வீடுகளில் வருமான வரித்துறையினர் திடீர் சோதனை மேற்கொண்டுள்ளதால் பரபரப்பு ஏற்பட்டுள்ளது.
வருமான வரித்துறையினர் இன்று சென்னை, மதுரை, கொச்சி, ஹைதராபாத்தில் என மொத்தம் 25 இடங்களில் அதிரடி சோதனை நடத்தி வருகின்றனர்.
நடிகர் விஜய்யின் வீடு, அவரது அலுவலகம், நடிகைகள் நயன்தாரா, சமந்தா, இயக்குனர் சிம்புதேவன் அலுவலகம், தயாரிப்பாளர்கள் எஸ்.தாணு, மதுரை அன்பு, செல்வகுமார் மற்றும் புலி படக் குழுவினர் இல்லங்கள், அலுவலகங்கள் என இந்த சோதனை நடந்து வருகிறது.
வருமான வரி கட்டாததன் காரணமாகவும், அதில் பல்வேறு முரண்பாடுகள் இருப்பதன் காரணமாகவே வருமான வரித்துறையினர் சோதனை மேற்கொண்டு வருகின்றனர்.
நாளை விஜய் நடித்து வெளியாகவுள்ள புலி படமானது பெருமளவு பொருட் செலவில் படமாக்கப்பட்டுள்ளது.
மேலும், கணக்கில் காட்டப்படாத பணத்திலேயே இப்படம் தயாரிக்கப்பட்டுள்ளதாக வந்த செய்தியை அடுத்தே இந்த சோதனை நடத்தப்பட்டு வருவதாக செய்திகள் வெளியாகி உள்ளன
0 கருத்துகள்:
Post a Comment