த்ரிஷா நிச்சயதார்த்தத்தில் கலந்துக்கொண்ட பிரபலங்கள் யார் யார் நடிகை த்ரிஷா, தயாரிப்பாளர் வருண் மணியன் திருமண நிச்சயதார்த்தம் சென்னை யில் நேற்று நடந்தது. நடிகர்கள் கமல், சரத்குமார், பிரபு உட்பட ஏராளமான திரையுலக பிரபலங்கள் இதில் கலந்துகொண்டனர். 10 ஆண்டுகளுக்கு மேலாக திரையுலகில் நடித்து வரும் த்ரிஷா தமிழ் சினிமாவின் முன்னணி நடிகர்களான கமல், விஜய், விக்ரம், அஜித், சூர்யா, ஜெயம் ரவி, விஷால் ஆகியோருடன் நடித்துவிட்டார்.
தமிழைத்தவிர தெலுங்கிலும், இந்தியிலும் நடித்துள்ளார். விரைவில் அஜித்துடன் அவர் நடித்துள்ள ‘என்னை அறிந்தால்’ படம் மாதம் திரைக்கு வரவிருக்கிறது. இந்நிலையில் த்ரிஷாவுக்கும், திரைப்படத் தயாரிப்பாளர் வருண் மணியனுக்கும் சென்னையில் நேற்று திருமண நிச்சய தார்த்தம் நடைபெற்றது. ஆழ்வார் பேட்டையில் உள்ள
வருண் மணியன் வீட்டில் பாரம்பரிய முறைப்படி நிச்சயதார்த்தம் நடை பெற்றது. த்ரிஷா மும்பை பேஷன் டிசைனர்களால் பிரத்யேகமாக டிசைன் செய்யப்பட்ட பட்டுச் சேலை அணிந்து இருந்தார். வருண் மணியன் வேஷ்டி சட்டை அணிந்திருந்தார். பின்பு இருவரும் மோதிரம் மாற்றிக்கொண்டனர்.
இந்த நிச்சயதார்த்த நிகழ்ச்சியில்
நடிகர்கள் கமல், சரத்குமார், பிரபு, விக்ரம் பிரபு, ‘ஜெயம்’ ரவி, சித் தார்த், இயக்குநர்கள் மணி ரத்னம், ஏ.எல்.விஜய், நடிகைகள் ராதிகா, அமலா பால், கெளதமி, சுகாசினி, ரம்யா கிருஷ்ணன் உட்பட ஏராள மான திரையுலக பிரமுகர்கள் பங்கேற்றனர். இன்று திரையுலகை சேர்ந்த நண்பர்களுக்கு கிண்டியில் உள்ள நட்சத்திர ஓட்டலில் த்ரிஷாவும், வருண்மணியனும் சேர்ந்து விருந்து கொடுக்கின்றனர் என்பது குறிப்பிடத்தக்கது.
0 கருத்துகள்:
Post a Comment